Xixima: Grade 7
Winner - Maskew Miller Longman 2015 Literature Awards. Loko Masana, mufana wo tlhariha swinene wa le ka Giredi ya 4 a tlakuseriwa ka Giredi ya 5 exikarhi ka lembe, ku na nyanyuko na moya wa ku langutela. A ku languteriwanga ntsena ku u ta oloveriwa etidyondzweni ta Giredi ya 5 kambe ku languteriwile na leswaku u ta hlula makwavo etidyondzweni. Kambe wa ha ta n'wi xixima ekaya ke? A swi nga fani na swa Esau na Yakobo va le Bibeleni ke? Lexi i xiphiqo eka tata wa vafana lava. Xitshuxo xi fanela ku kumeka. Ku nga va xihi? Ku tsala swa matsalwa hi leswi Conny Lubisi a swi rhandzaka swinene. U tsale matsalwa yo hambanahambana yo fana na tinovhele, mintlangu na switori swo ka swi nga ri swa ntiyiso swa vana. Ntirho wa yena wu hundzule vanhu vo tala mahlonga yo hlaya hikuva mikongomelo ya yena yi vulavula hi leswi humelelaka eka masiku lama naswona swi ringane vanhu lava a kongomisaka eka vona matsalwa ya yena. U hlurile eka mimphikizano ya tala ya matsalwa eka malembe lama nga hundza. U hlule na le mphikizano wa, matsalwa ya M-NET laha a nga hlula kambirhi hi tibuku ta yena ku nga, I Vutomi na Xijahatana. Matsalwa ya yena mo tala ma hlawuriwile ku tirhisiwa eswikolweni. U tsale na switori swo hlaya a tsalela swiyanimoya swa SABC. I un'we wa vatsari vanharhu va xitori xa Mina hi mina eka Xitichi xa xiyanimoya xa Munghana lonene.
We Also Recommend
