Libanga 12 lingumnyaka lomkhulu ngetizatfu letinyenti, akusiko kutsi utawube ungena emsebentini noma uchubekisa tifundvo takho. Kwati Lulwimi lwakho Lwasekhaya kutakusita kakhulu kuyo yonkhe imitamo yakho. Utawukhona kuvisisa nekungenelela kutinkhulumiswano. Utawukhona kuhlanganisa imicondvo kanye nemicabango yakho ngendlela letfokotisako. Utawukhona kusoma labanye utakhele ematfuba ngekwakho, ubuye utikhulise etindzabeni letiphatselene nemsebenti. Kuphindze kubaluleke kukhumbula kwekutsi incenye lenkhulu yalokwenta iNingizimu Afrika ibe live lelihlukile nalelikhetsekile kutsi ibonakala ngetilwimi nemasiko lamanyenti lehlukene – konkhe kusichaza njengesive. Likhono lakho lekutiveta likwenta ube ngumeleli welulwimi nemasiko akho, futsi lencwadzi inako konkhe lokudzingako kutfutfukisa emakhono akho kuyo yonkhe imikhakha ledzingekile. Umhlaba mkhulu lapha ngaphandle. Ciniseka kutsi liphimbo lakho liyevakala.