Ga se ka mehla mo lerato e lego mpeto wa dirosa. Ka nako dingwe le hlaba go feta le mootlwa wa sephatho. Leratorato ke makhura a lefehlo le swana le senkgiša bose sa theko ya godimo. Ge o hwediše leratorato o swana le motho yo a topilego šoolo. Ga go bonolo go le hwetša, ba bantši ba lapile tseleng ka ge leeto la go hwetša leratorato e le le le teleletelele, bangwe ba bile ba ile moletemohlaelathupa ba sešo ba le hwetša.