'n Soen vir Whitney | Onne Vegter | Voices in Africa

Whitney se maag het nou bollemakiesie geslaan en haar asem het begin jaag. Wat was hy van plan om te doen? Sy wou so graag gesoen word — 'n seun het haar nog nooit vantevore gesoen nie. En Lucky was so aantreklik, so gewild. Dit het so lekker gevoel om saam met hom gesien te word en om deur hom begeer te word. Sy het niks gesé nie en net gewag op wat hy volgende sou doen…

Whitney se eerste soen is 'n belewenis wat sy nooit sal vergeet nie. Die onskuld van kindwees word vervang deur die vuur van tiener-wees — die romanse, die opwinding en die hartstog. Dit lyk alles so wonderlik. Maar haar gunsteling-onderwyseres, juffrou Pillay, waarsku haar dat jonkwees ook 'n ander sy het.

Die dertienjarige Whitney maak eerstehands kennis met hierdie ander sy — die slag van verlies, die pyn van verraad en die bitterheid van verwerping. Sy kom van aangesig tot aangesig met die realiteit van MIV en vigs, en bevind haarself in omstandighede waar sy moeilike en lewensveranderende besluite moet neem.

Whitney se roerende en inspirerende verhaal speel hom af in die Thembalethu-township in die Wes-Kaap, en spreek die ware kwessies aan wat jong mense in Suidelike Afrika daagliks in die gesig moet staar. Haar pad is 'n pad wat ons almal moet stap — 'n innerlike ontdekkingsreis waarlangs ons moet besluit wat vir ons belangrik is en watter waardes ons wil nastreef.

Sleuteltemas

• Eerste liefde en tienerverhoudings — die opwinding, romanse en kompleksiteit van eerste liefde en die emosionele wëreld van tiener-wees
• MIV- en vigsbewustheid — 'n kragtige en sensitiewe uitbeelding van die realiteit van MIV en vigs vir jong mense in Suidelike Afrika
• Verlies, verraad en veerkragtigheid — Whitney se reis deur pyn en verwerping, en haar groei te midde van teenspoed
• Waardes en lewenskeuses — die belangrikheid van deurdagte, waarde-gedrewe besluite te midde van groepsdruk en lewensuitdagings
• Suid-Afrikaanse township-lewe — 'n outentieke en meelewende uitbeelding van die lewe in Thembalethu, Wes-Kaap, en die uitdagings waarmee Suid-Afrikaanse jeug daagliks te kampe het

Opvoedkundige gebruik

Opvoeders kan 'n Soen vir Whitney gebruik as deel van 'n onderrigprogram wat gerig is op MIV- en vigvoorkoming en Tienerswangerskap-voorkoming. Die roman se boodskap van hoop, begrip en voorkoming spreek oortuigend en duidelik tot dié wat die grootste risiko loop om slagoffers van die vigs-epidemie te word — ons jong mense. Dit is 'n waardevolle klaskamerhulpbron vir Lewensoriëntasie en Afrikaans op sekondëre skoolvlak. 'n Handleiding met besprekingsvrae en fotokopieerbare leerderswerkblaaie is beskikbaar by die uitgewer.

Hierdie publikasie het oorspronklik in Engels verskyn onder die titel Whitney’s Kiss.

Skrywer: Onne Vegter
Uitgewer: Voices in Africa
Formaat: Druk
Geskik vir: Sekondëre skoolleerders (Lewensoriëntasie, Afrikaans)
ISBN: 9780620318402