Tlhekelo e akaretsa tikoloho eo mophetwa a phelang ho yona, maemo a bophelo le nako ya pale, ke moo re fumanang mabitso a baphetwa le mabitso a tikoloho. Hape tlhekelo ke moo re shebang hore na mongodi o hlahisa ditaba tsa hae ka mokgwa o jwang. Na o di hlahisa a di hlalosa ka tsela e itseng seratswaneng sa pele, kapa o kena ditabeng a sa tloha feela ho ikamahanya le sehlooho sa pale ya hae. Tlhekelo ke moo re fumanang selelekela sa pale mme selelekela seo se tlameha se hohele mobadi.