Menyepetsi ya Maswabi. Diketsahalo tse bukeng ena di etsahala mane motseng wa Matatiele. Monnamoholo Monakodi o kgathatsehile ka setloholo sa hae Sobi, se bonahalang se se na kgahleho dithutong tsa hae. O leka ka matla ho mo elellwisa bohlokwa ba thuto. O mo qoqela ka bophelo ba hae e leng menyepetsi ya maswabi, e leng yona tsela ya ho mo kgothaletsa hore a ye sekolong a tle a se ke a tshwana le yena a bapala ka menyetla. O mo eletsa ka hore ho batla mosebetsi a se na lengolo la thuto, ho ke ke ha mo tswela molemo. O qetella ka ho mo hlahisa leseding la hore thuto e bohlokwa kamanong ya tsa molao le ho thusa setjhaba. Hodima dikeletso tsohle tseo monnamoholo a lekileng ho di fa Sobi, ke Sobi feela ya ka nkang qeto ka bophelo ba hae. Buka ena e sebedisa thuto le bodumedi ho aha dintlhatheo tsa bophelo. Babadi ba tla natefelwa ke diketsahalo tse hlahiswang bukeng ena.