Izibonga zomthonyama yinqokelela yezibonga zemveli ebonakalisa indlela ehanjwe lolu didi loncwadi lwethu kwinkqubela yalo. Ukuqalela kwizibongo zikaNtsikana apho abonga khona uThixo kwinkulungwane yeshumi elinesithoba, kubandakanywe izibongo zomthonyama ezigqwesileyo ezininzi zexesha langaphambili ebutsheni bale nkulungwane yamashumi amabini nasesizikithini sayo, le ngqokelela ityhutyhumeza iyokuthi xhaxhe ngokusinika umfanekiso weenguqulelo eziye zangena kweli xesha lethu kwicala leepolitiki nasentlalweni ngokubanzi: izikhakhamela zabantu abanamagama beli xesha lethu zilapha, kanti negalelo labasebenzi abathe bazibalula alilityalwanga. Isibonga ngasinye sinentshayelelo emfutshane, nto leyo ephuhlisa iimeko namaxesha okubhalwa kwaso. Lenziwe nelinge

elincomekayo lokunika iintsingiselo zamagama anqabileyo apho loo nto ibe nakho ukwenzeka kanti nentshayelelo itsho kuvokotheke ngeempawu zolu hlobo lwesihobe.