Di tswa pelong, ke kgobokanyo ya direto tseo di hlamilwego ke banna le basadi. Merero ya direto tse e akaretsa leago, dipolitiki, bodumedi, ditlabane tsa bophelo, boikaketso bja motho, lerato, thuto, dimakatso tsa tlholego le tlhago, setso le bohwa. Bareti ba tsweletsa maitsebelo a bona a go fapana gotee le tebelelo ya bophelo ye e tseneletsego. Ka leihlo la bona la theto, mmadi o kgona go ikaga ka dikgopolo tse mpsha tseo ba di tsweletsago. Ka go realo, lentsu re tla lota la mogologolo ge a re tsebe go kwelwa ya kgole, ya kgauswi e a ikwela.