Le yingqokelela yezibongo zomthonyama nemibongo yangoku. Le mibongo yahlulwe yazindidi ezahlukahlukeneyo eziquka intlalo nobomi, izithwalandwe zakwaNtu, izifo, ezemveli, impucuko, imo yezopolitiko nezinto ngezinto. Ingqokelela le iqulunqwe ngusaziwayo uGqirha Nyamende ongumbhali obalaseleyo wemibongo. Ngumbhali osebenzileyo nabanye ababhali bolwimi lwesiXhosa abanjengoo D. Hoho, no-M. Magibisela njl. Kule ncwadi bakhona ababhali abafana noBeauty Mzazi, P.J Memani, B. Sakhiwo, oZolani Kupe, Simione Nkanunu, S. Mema, N. Malahlana no-S. Mani. Zivele ngokwakho mlesi xa enye yala maciko osiba isithi 'Silunikiwe ukhanyo kodwa asiboni.' Kukuwe ke ukuba uyavumelana neli ciko. Vityo-o-o

-o!

UGqirha u-Abner Nyamende yincutshe eyaziwayo kwicala lemibongo. Ubhale imibongo nezibongo ezivuselela umdla womfundi. Isihobe sakhe sijolise ikakhulu kwizinto ezidla umzi.

UNdakuyicel' ivuthiwe yinoveli ethetha ngesihlava esithe sangena kumtshato kaNomzamo noSiyamcela Vikindoda. USiyamcela yagula. Ulon wabo ebelulindelwe nguNomzamo lujika luba yincindi yekhala. Yeyebanga lesi 8-12